434

REGISTRES DU BUREAU

[i564]

tion de lad. Ville, et en ce faisant plusieurs chevaulx et harnois chôment, seront mis et constituez prisonniers ceans jusques ad ce que autrement en aict esté ordonné.

A esté ordonneque Jacques LeCouvreulx, Nicolas

Dubois, Jehan Noblet, Philippes Viart, carriers, prisonniers, seront eslargiz, et à eulx enjoinct de aller presentement besongner pour la Cardonne aux euvres de lad. fortiffication de lad. Ville, sur peine d'estre envoyez en galleircs.

DCXXX. — [Arrest du Parlement. — Reception de Dixinier.]

26 juin i564.(Z^lh 63, fol. 26 v°.)

Du lundi, xxvi^e Juing v^clxiiii.

Extraict des registres de Parlement. n Ce jour, la Court a commandé et enjoinct à Ambrois Potier, huissier en icelle, aller presentement faire commandement à ung nommé Fricquant, bas-tellier, d'admener et faire avaller presentement ung petit basleau de boys appartenant à m" Françoys Dormy, conseiller et president es Enquestes, et Jehan Florette, conseiller en icelle, qu'ilz ont faict venir pour eulx au port de la Tournelle. Faict en Parlement, le vingt sixiesme Juing v^c lxiiii'¹'."

Signé : Dutillet.

L'an et jour contenu de l'autre part, fut le pre-

sent arrest monstré et signiffié à Messieurs les Prevost el, Eschevins de ceste ville de. Paris en parlant à m^e Claude Le Prebstre el Jehan Lesueur, Eschevins d'icelle Ville, en l'Hostel de lad. Ville. Faict par moy.

Signé : Potier.

Ced. joui^-, Nicolas Du Chasteau a esté receu Dixainier au quartier de Ambrois Baudichon, Quartenier, et faict le sermenten tel cas acoustumé, après qu'il a esle présenté par led. Baudichon par luy Martin Bacquet, Cinquantenier, Anthoine Bourrellier, Jehan Delyon, Nicolas Giroust, Estienne Charron et Jehan Groussin, certiffié cappable et suffizant pour led. estat excercer.

DCXXXI. — Retour du millort d'Angleterre.

5 juillet 1564. (H 1784, fol. ₉45 r°.)

Lettres du Roy et de la Royne apportées, le mercredi v^e Juillet mil cinq cens soixante quatre :

A noz tres chers et bien aymez les Prevost des Marc/tans et Eschevins de nostre bonne ville et cité de Paris.

De par le Roy.

"Tres chers et bien aymez, vous avez rendu tel contantement aux seigneurs Anglois passans par vostre Ville, qui s'en sont grandement louez, et nous n'en avons pas eu moindre plaisir, pour le desir que nous avons qu'ilz s'en retournent avec parfaicte satisfaction, estant pour ceste cause necessaire que repassans par vostred. Ville, vous continuez à leur faire toute l'honnesteté que vous pourrez, dont nous vous prions bien fort de croire sur ce le s^r de Mauvisière, present porteur, comme vous feriez nous mesmes.

"Donné à Lion, le xxvin" jour de Juing 1564.n

Signé : CHARLES. Et au dessoubz : de L'Aubespine.

"Messieurs, ces s™ Angloys qui ont passé par vostre Ville se louent tant des courtoisies ethonnes-tetez qu'ilz ont receues de vous que de ma part j'ay grande occasion d'estre bien satisfaicte et contante de la demonstration que vous en avez faict, conforme à l'intention du Roy monsieur mon filz, ce que nous desirons se continuer à leur retour, affin qu'ilz remportent en leur païs à leur maistresse parfaict contentement de leur voyaige, et que cela serve à maintenir toutes choses en plus certaine amittié, car vous ne scauriez riens faire qu'il nous soit plus agreable; priant Dieu, Messieurs, vous avoir en sa saincte garde. Escript à Lion, le xxvui" jour de Juing 1564 f'²'." Signé : CATHERINE.

Et au dessoubz : de L'Aubespine.

O Cet arrêt se trouve au registre du Conseil. (Archives nationales, Parlement de Paris, X¹' 160g, fol. 353 v°.) (2) Cette lettre de la Reine Mère à l'Echevinage n'est que mentionnée par M. de la Ferrière dans son recueil des Lettres de Catherine de Médicis, t. II, p. i85.